CREANDO... GRAFITEANDO...

Estas son as fotos do obradoiro de grafiti que David Parga levou a cabo co alumnado de Educación Infantil para conmemorar o día de Rosalía de Castro. 

Antes de poñerse mans á obra fixeron unha primeira achega ao mundo do grafiti, unha expresión da arte urbana que chegou a moitos museos do mundo. Unha vez rematados os aspectos teóricos, puxéronse as luvas e as mascarillas para dar forma a unha estupenda Rosalía de Castro.
Unha actividade do máis interesante e divertida que nos deixa unha fantástica obra de arte no noso cole.

POSTAIS DE ROSALÍA DE CASTRO

Sumámonos á proposta da AEGAL, Asociación de escritoras e escritores en lingua galega, e elaboramos unha postal personalizada cun debuxo baseado nunha estrofa de "Alborada", de "Cantares gallegos".

Canta, paxariño alegre,  
canta!  
Canta porque o millo medre,
canta!
Canta porque a luz te escoite,  
canta!
Canta que fuxeu a noite.

Estas son algunas das postais que hoxe saíron cara ao seu destino:

E estas son as fotos do proceso de creación das postais:

GRAFITI DE ROSALíA DE CASTRO

Grafiti creado por David Parga, deseñador gráfico de Vigo, que fixo un obradoiro co alumnado de Educación Infantil para conmemorar o día de Rosalía de Castro. En breve poderedes ver as imaxes de todo o proceso creativo.

DÍA DE ROSALÍA DE CASTRO 2016

Un ano máis celebramos o Día de Rosalía de Castro. Por iso, durante semana e ata o 24 de febreiro, traballaremos a vida e a obra desta autora adiantada ao seu tempo.

Premendo na imaxe atoparedes unha escolma de recursos e actividades para traballar nas aulas.

EU SON ROSALÍA...

Por fin está listo o noso video de homenaxe a Rosalía de Castro. O alumnado de 5º curso de Primaria traballou a figura e a obra desta escritora fundamental das nosas letras e este é o resultado.

DÍA DE ROSALÍA DE CASTRO

O vindeiro 24 de Febreiro conmemórase o Día de Rosalía de Castro así que estaremos traballando a obra e a vida desta figura fundamental das nosas letras durante toda a semana. Esta é a nosa escolma de recursos e actividades,so tes que premer na imaxe e accederás a elas.

TODAS CON ROSALÍA

Un grupo de escritoras galegas quixo unirse para continuar dando vida a Rosalía. Así, organizándose a través das redes sociais, decidiron colaborar na gravación dunha segunda parte do vídeo colectivo Todas con Rosalía, cuxa primeira parte pode verse en: https://www.youtube.com/watch?v=g_tEH...

Mulleres falando de mulleres, e ao tempo, falando de todos, falando dos que aquí e agora sofren. Este vídeo coral pretende seguir o exemplo de conciencia e rebeldía da grande escritora ao recitar os seus versos desde o presente.

As gravacións amateurs foron montadas e editadas pola cineasta Raquel Rei.

DÍA DE ROSALÍA DE CASTRO

Como xa vos comentamos, o vindeiro luns día 24 de Febreiro celebraremos o día de Rosalía de Castro. Este ano queremos sacarlle moito partido a todas os poemas musicados desta autora. Para ir facendo boca, presentámosvos unha das adaptacións que mási me gustan: Camiño Branco, cantada por Najla Shami. 

24 DE FEBREIRO: DÍA DE ROSALÍA DE CASTRO

O vindeiro luns día 24 de Febreiro celebraremos o día de Rosalía de Castro. Podes atopar recursos para ir traballando a esta autora nas aulas premendo na imaxe. Lembra que está permanentente colgada na marxe esqueda do noso blog.

IMAXINA CANTARES

O equipo de mestres de música deste ano preparou este fantástico video para o concurso de Imaxina Cantares: Rosalía de Castro a ritmo de rock. Agardamos que vos guste.

RECITANDO A ROSALÍA

Estas semanas foron de moita actividade, por iso demoramos un pouco en achegarvos o noso video do día de Rosalía de Castro.

24 DE FEBREIRO: DÍA DE ROSALÍA

Mentras cociñamos o noso video, velaí vai este outro para lembrar o día de Rosalía de Castro: "Rosalía non entende de donos; naceu libre e está viva".
Un grupo de escritoras galegas quixo unirse para continuar dando vida a Rosalía. Así, organizándose espontaneamente a través das redes sociais, decidiron colaborar na gravación dun vídeo colectivo no que teñen cabida escritoras e non escritoras, nenas, mozas e vellas, feministas, transfeministas, actrices, vendedoras, estudantes, afectadas polas preferentes, libreiras, mulleres contra o maltrato, mestras, profesoras, persoal sanitario, ecoloxistas... Mulleres falando de mulleres, e ao tempo, falando de todos, falando dos que aquí e agora sofren. Este vídeo coral pretende seguir o exemplo de conciencia e rebeldía da grande escritora ao recitar os seus versos desde o presente.

DÍA DE ROSALÍA DE CASTRO

O día 24 de Febreiro é o día de Rosalía de Castro. Dende a Asociación de Escritoras e Escritores en lingua galega teñen preparados unha serie de actos e actividades para conmemorar a figura da escritora de Cantares Gallegos. Preme na imaxe da asociación e poderás aceder ao intenso programa organizado. 

Tamén temos recollidas unha serie de recursos e actividades para traballar a vida e a obra de Rosalía de Castro nas aulas. Espero que vos sexan de utilidade. Este enlace quedará publicado na barra lateral esquerda do blog.