Este é o blog de dinamización lingüística que facemos dende a biblioteca do CEIP Outeiro das Penas, o colexio de Cesantes (Redondela).

12 de junio de 2018

Obra de teatro: "Tomás o bromista".

Os/as alumn@s de 6º, fixeron a obra de teatro "Tomás o bromista". Con tanto éxito, que tiveron que facer dous pases no mesmo día. Moi ben chic@s, rimos moito coa vosa actuación.





6 de junio de 2018

Obra de teatro: Unha "Cenicienta" diferente

 Despois de moitos ensaios, as alumnas de 1º e 4º fixéronnos unha obra especial. Unha "Cenicienta" diferente, cun final moi interesante.
Noraboa!




28 de mayo de 2018

VISITA KALANDRAKA INFANTIL

A semana pasada, @s nen@s de infantil recibiron unha visita moi especial de Kalandraka.
Cantaron e contaron moitos contos. 




Grazas!
Matilda.

21 de mayo de 2018

FESTIVAL LETRAS GALEGAS 2018

Clica na imaxe para ver un resumo do que foi o noso festival das letras galegas 2018.
Se queres ver todas as fotos do festival fai clic AQUÍ.

http://musicascativas.wixsite.com/letrasgalegas2018

16 de mayo de 2018

ESTAMOS DE ESTREA! COLECCIÓN COMPLETA DE G.STILTON

Xa tedes dispoñible a colección completa de Gerónimo Stilton.Esperamos que sexa do voso agrado.
A nosa Biblioteca  segue crecendo.




9 de mayo de 2018

VISITA DE PACO NOGUEIRAS

O xoves, 3 de maio, recibimos a visita do autor Paco Nogueiras na biblioteca.
Estivo divertíndose cos nen@s de infantil, contando e cantando varios contos.
Grazas Paco por esta agradable visita.





8 de mayo de 2018

DÍA DO LIBRO 2018


VISITA DE MARÍA CANOSA.

Hai uns días visitounos na biblioteca María Canosa. 
Autora do libro escollido en 1º e 2º  : " O día que choveu do revés".
Seguindo coa actividade "4 libros, 4 autores" ,
María fíxonos un divertido contacontos do libro, e despois asinounos todos os libros.
Moitas grazas por vir, e ata a próxima.




2 de mayo de 2018

VISITA DE XAVIER ESTÉVEZ

O luns 30 de abril recibimos a visita do autor Xavier Estévez,autor do libro "Avións de papel" que foi o escollido este ano polas nenas e nenos de 5º e 6º para a actividade "4 libros,4 autores".

Durante algo máis dunha hora as nenas e nenos puideron falar co autor sobre o que lles pareceu o libro e mesmo preguntarlle directamente aspectos e dúbidas relacionados co libro e co autor en si.Respondeu a todo moi amablemente.

Ao final do acto se lle entregou un marcapáxinas co seu nome gravado,como recordo do seu paso polo cole e ,tras asinar no libro de visitas,  procedeuse á sinatura dos libros . 
 

18 de abril de 2018

RECREOS DE CONTO: "TITO BUSCA NARIZ".

As nenas de primeiro e cuarto fixéronnos rir coa obra de teatro: "Tito busca nariz".
Noraboa chicas!



20 de marzo de 2018

Semana de Rosalía


Co motivo do 181 aniversario de Rosalía de Castro, na biblioteca do cole realizamos unhas actividades que podedes ver neste vídeo.
Saúdos!!!!!!!!!!

7 de febrero de 2018

Xoves de meco e último deste ano!!!


 Mañá xoves, Matilda propón:
para ir ben elegante, trae un bonito colgante!!!


Matilda desexa que gocedes do ENTROIDO!!!

6 de febrero de 2018

Xa estamos a mércores!!! mércores de meco!!!


Na metade da semana Matilde dinos: que isto non para!!
así que, un corazón pintado levaremos na cara.


Que teñades bo mércores!!!

5 de febrero de 2018

Martes de Meco con Matilda!!


Matilda para mañá, Martes, propón que: 
se frío non queremos ter, os calcetíns por fora
teremos que traer. 


Matilda espera que vos animedes!!!!

4 de febrero de 2018

O Entroido está a chegar!!!

Matilda síntese festiva e será a encargada de dar as ordes do Meco.

A primeira orde será o luns e di así: un xersei terás que traer pero será do revés.



Permanecede atentas e atentos aos seguintes días!!!!

3 de febrero de 2018

TEATRO NO RECREO: DANIELA PIRATA.

Un grupo de alumnas/o de 6ºA representaron a obra "Daniela Pirata".

REPARTO:
Narradora: Alba Cabaleiro.
Daniela: Ana Alonso.
Capitán Oreja Cortada: Brian Cameselle.
Pirata: Sheila Gil.
Auxiliar:Lucía González.



18 de enero de 2018

CONTOS NO RECREO:Tres han de ser.

TRES HAN DE SER: Foi o conto representado polas alumnas de 5º B Ariana,Lucía,Carmen e Lara.
Noraboa ás catro!!

11 de enero de 2018

CORRESPONDENCIA 5º E 6º ED. PRIMARIA

Neste curso as nenas e nenos de 5ª e 6ª de Educación Primaria seguimos a ter correspondencia co CEP Doutor Fleming.
Xa recibimos as primeiras cartas!!!!!!!

Agora tócanos a nós.

21 de diciembre de 2017

POSTAIS DIXITAIS

Postais gañadoras do concurso Nadal 2017 .


IAGO 1º B




ILIAS 4º B






18 de diciembre de 2017

Contos no recreo: ¡Mucho ojo con los piojos!

Lucía e Ariana de 5º B ofrecéronnos o conto "¡Mucho ojo con los piojos!

 Foi moi divertido! Mirade as caras das nenas e nenos!

A VENTÁ DA BIBLIOTECA

Xa está rematada a ventá da biblioteca.

O proxecto deste ano é "Unha viaxe polo mundo".

As nenas e nenos do cole confeccionaron uns avións moi viaxeiros que percorren o mundo enteiro!
Podedes pasar a velos!

A PORTA DA BIBLIOTECA ESTÁ ABERTA PARA TODAS E TODOS!

A nosa Bilioteca ten a súa porta aberta para todas e todos.
Lembrade que nos recreos podedes pasar pola biblioteca para ler,escoitar música,traballar nos ordenadores e nalgunhas ocasións ata poder ver unha pequena obra de teatro,contacontos ou outra actividade preparada por algunha compañeira/o.

Ademais tamén abrimos polas tardes os luns,mércores,xoves e venres de 16:30 a 18:30.

ANIMÁDEVOS E XA SABEDES...
A PORTA DA BIBLIO ESTÁ ABERTA PATA TODAS E TODOS!