Este é o blog de dinamización lingüística que facemos dende a biblioteca do CEIP Outeiro das Penas, o colexio de Cesantes (Redondela).

28 de abril de 2012

FEIRA DO LIBRO DE VELLO

Onte foi un día moi especial no noso cole. Tivo lugar unha Feira do libro de vello, un mercadiño no que quixemos dar saída a todos aqueles libros que xa non teñen cabida na nosa biblioteca escolar. E pensamos que o mellor xeito de retirar eses libros é abríndolles as portas de novos fogares. Os fogares do noso alumnado... do noso profesorado... de todas as persoas que traballan no noso colexio. 
Así, durante toda mañá foi o profesorado e o alumando quen percorreu os postos ateigados de libros e puideron escoller aqueles que máis lles interesaban.
Xa pola tarde abrimos as portas ás familias... e a resposta foi marabillosa. Moitas grazas a todas e a todos pola vosa visita. Esperamos que gocedes da lectura dos libros escollidos.

1 comentario:

Carolina dijo...

Foi unha experiencia marabillosa, e a verdade é que Matilda ten moita razón en poñer que "a resposta das familias foi increíble"

Grazas a toda a nosa comunidade educativa por vir!!

Carolina